هدى شعراوي

مديرة عدد المساهمات : 224 نقاط : 6619

هدى شعراوى (23 يونيه 1879 - 12 ديسمبر 1947) كانت ناشطه مصريه فى مجال حقوق الستات و من اول اللى نادو بتحرير الست المصريه و كان ليها مشاركه مهمه جدا فى ثورة 1919 و قادت اول مظاهره للستات ضد الانجليز فى الايام الاولانيه للثوره.هدى شعراوى اسسست و كانت اول رئيسه للاتحاد النسائى المصرى.

لعمل السياسى و الإجتماعى:

فى 16 مارس سنة 1919 م إبتدا كفاح هدى شعراوى السياسى لما عملت مظاهره نسائيه من 300 واحده مصريه عشان ينادو بـ الإفراج عن سعد زغلول و زمايلهُ, و خرجت عشان تواجه و تضعف الجنود البريطانيين المتسلّحين, و اليوم التاريخى ده شاف إستشهاد أول شهيده للـ حركه النسائيه, و اللى حمّست شوية ستات من الطبقات الراقيه اللى خرجو فى مظاهره كبيره رافعين شعار الهلال و الصليب دليل على الوحده الوطنيه, و بينقدو الإحتلال و إتوجهت المظاهره لـ بيت الاُمه. و من التاريخ ده, و المرأه المصريه بتحتفل بـ 16 مارس, بعد إختيارهُ عشان يكون يوم للـ مرأه المصريه. و على مستوى العالم الإحتماعى, هدى شعراوى ساعدت فى كزا حاجه, منهم إنشاء مبرة محمد على عشان مساعدة العيال العيانين سنة 1909 م, و ماكانتش وصلت لـ سن ال30, كانت من أول المساعدين فى صنع إتحاد المرأه المصريه المتعلمه سنة 1914 م, و بردو عملت لجنه بـ إسم "جمعية الرقى الأدبى للسيدات" فى ابريل سنة 1914 م.